Comezamos a argallar coa Nintendo Switch!
O mécores 11 de marzo decidimos achegarnos outra vez ao Centro de Día de Guitiriz, mais esta vez cun reto: aprenderlles ás usuarias a xogar á Nintendo Switch!
Ao principio, miraban o aparello con recelo; hai quen o coñecía polos seus netos, mias hai quen nunca tal cousa vira! Non obstante, escollemos un xogo simple, e que sabiamos que calquera persoa podería desfrutar: Os bolos do Nintendo Switch Sports.
Coma sempre, comezaren é complexo (ata o foi para algúns dos nosos voluntarios!), sobre todo coñeces o funcionamento dos botóns do mando. Mais, pouco a pouco e con paciencia, parece que os nosos "alumnos" comezaron a desfrutar, e ata algún sacou a súa faceta máis competitiva!
Moitas grazas, unha vez máis, por xogar connosco!
Comentarios
Publicar un comentario